აჭარის ა/რ ჯანმრთელობისა და სოციალური დაცვის სამინისტროს სტიქიის შედეგად დაზარალებულთა საქმეების დეპარტამენტის უფროსი დალი ქიქავა, ხულოს მუნიციპალიტეტის გამგებელი ბესიკ ბაუჩაძე და საქართველოს პარლამენტში ხულოს მაჟორიტარი დეპუტატი ანზორ ბოლქვაძე, ამავე მუნიციპალიტეტში მცხოვრებ ეკომიგრანტ ოჯახებს შეხვდნენ.

აჭარის ჯანდაცვის სამინისტროს ინფორმაციით, შეხვედრის მიზანს, ეკომიგრანტთა ოჯახების საცხოვრებლით უზრუნველყოფის პროგრამაში ჩართვის მიზნით ბენეფიციართა ინფორმირება და კონსულტაცია წარმოადგენდა.

„აჭარის ჯანდაცვის სამინისტრო „ეკომიგრანტი ოჯახების საცხოვრებლით უზრუნველყოფის“ პროგრამას წელს პირველად ახორციელებს. პროგრამის ბიუჯეტი შეადგენს 3 000 000 ლარს.

პროგრამით გათვალისწინებულია ეკომიგრანტი ოჯახების დაფინანსება, მათ მიერ შერჩეული საცხოვრებელი ფართის შესყიდვისათვის, არაუმეტეს 25 000 ლარისა. იმ შემთხვევაში, თუ საცხოვრებელი ფართის გასაყიდი ღირებულება აღემატება პროგრამით განსაზღვრულ თანხას, სურვილისა და შეთანხმების შემთხვევაში, ბენეფიციარი თავად დაფარავს დარჩენილ სხვაობას.

სამინისტრომ, 70 ეკომიგრანტი ოჯახის პოროგრამაში ჩართვის მიზნით, მუნიციპალიტეტებს მონაცემები უკვე გაუგზავნა“, - აცხადებენ აჭარის ჯანდაცვის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება