ექსპორტის წახალისების მექანიზმები მოკლევადიანი ეფექტის მომტანი არ არის, - ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებს განუცხადა.

მისივე განმარტებით, მოკლევადიან შედეგზე ორიენტირებული ზომები არის ის, რომ ორშაბათს, სავალუტო ფონდის მისიასთან შედგება შეხვედრა, სადაც ინფრასტრუქტურული, ზეგეგმიური პაკეტის მოცულობას განიხილავენ.

კერძოდ, მინისტრის თქმით, ლარის კურსის დასტაბილურების მიზნით, სავალუტო ფონდის მისიისგან დამატებით თანხას მოითხოვენ.

„ექსპორტის წახალისების მექანიზმები არ არის მოკლევადიანი ეფექტის მომტანი და არ გვაქვს ილუზია, რომ ეს ინსტიტუტი რაიმე მოკლევადიან შედეგს გამოიღებს. მოკლევადიან შედეგზე ორიენტირებული ზომები, რასაც ვღებულობთ გახლავთ ის, რომ ორშაბათს გვექნება სავალუტო ფონდის მისიასთან შეხვედრა და განვიხილავთ ინფრასტრუქტურული, ზეგეგმიური პაკეტის მოცულობას. ანუ, ჩვენ მოვითხოვთ დამატებით ფულს კაპიტალური დანახარჯების კუთხით, რათა დამტებითი ინვესტიცია განვახორციელოთ ინფრასტრუქტურულ პროექტებში, ინფრასტრუქტურული და რეგიონული მართვის სამინისტროს კუთხით. ეს არის ზომები, რაც ამ შემთხვევაში შექმნილი სიტუაციის ადეკვატურია“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს