ევროპარლამენტარები იმედის, რუსთავი 2-ისა და POSTV-ის“ სანქცირების საკითხის დღის წესრიგში დაყენებას გეგმავენ.

ევროპის სახალხო პარტიის ჯგუფის სამი წევრი: კშიშტოფ ბრეიზა, მიხალ შჩერბა და ანდრეი ჰალიცკი მოითხოვენ საქართველოს შესახებ ანგარიშში შესწორებები შევიდეს.

„ევროპარლამენტი უმკაცრესად გმობს სისტემურ დეზინფორმაციას, დისკრედიტაციის კამპანიებსა და მტრულ პროპაგანდას, რომელსაც ავრცელებენ ტელეკომპანიები Imedi TV, Rustavi 2 და POST TV - მედია საშუალებები, რომლებიც მოქმედებენ არა როგორც დამოუკიდებელი საინფორმაციო პლატფორმები, არამედ როგორც „ქართული ოცნების“ რეჟიმის დე ფაქტო საკომუნიკაციო ინსტრუმენტები; ასევე გმობს ევროკავშირის ინსტიტუტებზე, ევროკავშირის მაღალჩინოსნებსა და საქართველოში ევროკავშირის დელეგაციის ხელმძღვანელზე, ელჩ პაველ ჰერჩინსკიზე მიმართულ განმეორებით თავდასხმებს, მათ შორის ცილისმწამებლურ ნარატივებს, მანიპულაციურ გაშუქებას და კოორდინირებულ მცდელობებს, რომლებიც მიზნად ისახავს საზოგადოების ნდობის შერყევას ევროკავშირისა და მისი წარმომადგენლების მიმართ.
ევროპარლამენტი მოუწოდებს ევროკავშირის ინსტიტუტებსა და წევრ სახელმწიფოებს, განიხილონ შესაბამისი და პროპორციული შემზღუდავი ზომების მიღება იმ პირებისა და სუბიექტების მიმართ, რომლებიც პასუხისმგებელნი არიან აღნიშნული დეზინფორმაციული კამპანიების ორგანიზებასა და დაფინანსებაზე, მათ შორის ევროკავშირის გლობალური ადამიანის უფლებათა სანქციების რეჟიმის ფარგლებში, იმ შემთხვევაში, თუ მსგავსი მტრული აქტივობები გაგრძელდება“, — წერია დოკუმენტში, რომელიც „ფორმულამ“ მოიპოვა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი