2026-03-17 11:50:50, 1212 ნახვა
საზოგადოება
საქართველოს საპატრიარქო ილია მეორეზე: ყველას გთხოვთ ლოცვით შეწევნას
საქართველოს საპატრიარქოს საზოგადოებასთან ურთიერთობის სამსახური პატრიარქის ჯანმრთელობის მდგომარეობასთან დაკავშირებით განცხადებას ავრცელებს.
„ჯანმრთელობის მდგომარეობის მოულოდნელი გართულების გამო, მისი უწმინდესობა და უნეტარესობა, სრულიად საქართველოს კათოლიკოს-პატრიარქი ილია II ამჟამად კავკასიის მედიცინის ცენტრში იმყოფება. მდგომარეობა პრობლემურია, თუმცა, სტაბილური.
ყველას გთხოვთ ლოცვით შეწევნას“, - ნათქვამია განცხადებაში.
საქართველოს კათოლიკოს-პატრიარქის ჰემადინამიკური მაჩვენებლები არასტაბილურია - ამის შესახებ მედიას კავკასიის მედიცინის ცენტრის ხელმძღვანელმა, სოფიო ასპანიძემ განუცხადა.
კათოლიკოს-პატრიარქი კავკასიის მედიცინის ცენტრში კუჭიდან ძლიერი სისხლდენით ღამის სამ საათზე შეიყვანეს.
ავტორი: ექსპრესნიუსი,
epn.ge (@expressnews.ge)
