უკრაინის საგარეო საქმეთა სამინისტრომ გამოხატა ქვეყნის ურყევი პოზიცია: კიევი მხარს უჭერს ირანელ ხალხს და მათ კანონიერ მისწრაფებებს უსაფრთხოების, თავისუფლებისა და კეთილდღეობისკენ.

სამინისტრომ აღნიშნა, რომ ირანის რეჟიმი ათწლეულების განმავლობაში მიმართავდა ძალადობას საკუთარი ხალხისა და სხვა ქვეყნების წინააღმდეგ, მხარს უჭერდა რეგიონში მებრძოლებს და სამხედრო დახმარებას უწევდა რუსეთს უკრაინის წინააღმდეგ ომში. უკრაინულმა მხარემ ხაზგასმით აღნიშნა, რომ ათასობით შაჰედის დრონის დარტყმამ ქვეყნის მშვიდობიან ქალაქებზე ღრმა კვალი დატოვა ხალხის მეხსიერებაში.

სამინისტრომ ასევე აღნიშნა, რომ მოსკოვისა და თეირანის რეჟიმებს შორის თანამშრომლობა არღვევს საერთაშორისო სამართალს და ძირს უთხრის მშვიდობისა და სტაბილურობის აღდგენის გლობალურ ძალისხმევას. საგარეო საქმეთა სამინისტრომ მიმდინარე მოვლენების მიზეზად დაასახელა ბოლო თვეებში გამწვავდა მშვიდობიანი მომიტინგეების წინააღმდეგ ძალადობა.

ისრაელისა და აშშ-ის ირანში განლაგებულ სამიზნეებზე იერიშები 28 თებერვლის დილით დაიწყო, ბირთვული შეთანხმების დადების მიზნით აშშ-ირანის მოლაპარაკებების რამდენიმე წარუმატებელი რაუნდის შემდეგ. აშშ დაჟინებით მოითხოვს, რომ თეირანმა უარი თქვას ბირთვული იარაღის პროგრამაზე და ვაშინგტონს გადასცეს გამდიდრებული ურანის ყველა მარაგი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი