2025-01-18 12:12:44, 1843 ნახვა
სპორტი
კვარაცხელია ნაპოლიდან პარი სენ-ჟერმენში გადავიდა, ტრანსფერის თანხა 70 მილიონი ევროა
საქართველოს ნაკრების ფეხბურთელი ხვიჩა კვარაცხელია ნაპოლიდან პარი სენ-ჟერმენში გადავიდა.
23 წლის კვარაცხელია პარიზულ კლუბში მეშვიდე ნომრით ითამაშებს. ის გახდა პირველი ქართველი ფეხბურთელი პსჟ-ს ისტორიაში. ტრანსფერის თანხა 70 მილიონი ევროა.
ხვიჩა კვარაცხელია ნაპოლიში 2022 წლიდან თამაშობდა და ნეაპოლიტანურ გუნდს 1990 წლის შემდეგ იტალიის პირველ ჩემპიონობამდე 2023 წელს უხელმძღვანელა. 2022/2023 წლების სეზონის შემდეგ კვარაცხელია იტალიის ჩემპიონატის ყველაზე ძვირფას ფეხბურთელად აღიარეს. მან 12 გოლი გაიტანა და 10 საგოლე გადაცემა გააკეთა.
წარსულში კვარაცხელია მოსკოვის ლოკომოტივსა და ყაზანის რუბინში თამაშობდა.
ავტორი: ექსპრესნიუსი,
epn.ge (@expressnews.ge)
