ნინოწმინდის მუნიციპალიტეტში,  საქართველო-სომხეთის დამაკავშირებელ ცენტრალურ ავტო-მაგისტრალზე უამინდობის გამო დარჩენილი ადამიანების - როგორც მგზავრების, ისე - მძღოლების ევაკუაცია დასრულდა.

ამის შესახებ „ექსპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს.

„საქართველოს რეგიონული განვითარებისა და ინფრასტრუქტურის საავტომობილო გზების დეპარტამენტის თანამშრომლებმა, შინაგან საქმეთა სამინისტროს საგანგებო სიტუაციების მართვის დეპარტამენტის თანამშრომლებთან ერთად, ნინოწმინდის მუნიციპალიტეტში, საქართველო-სომხეთის დამაკავშირებელ ცენტრალურ ავტო-მაგისტრალზე უამინდობის გამო დარჩენილი ადამიანების - როგორც მგზავრების, ისე - მძღოლების ევაკუაცია დაასრულა.  

ამ დროისათვის ადგილზე მხოლოდ რამდენიმე ავტომობილია  დარჩენილი.

ნინოწმინდის მუნიციპალიტეტში ამინდი, გუშინდელთან შედარებით, მეტ-ნაკლებად გაუმჯობესებულია. საქართველო-სომხეთის დამაკავშირებელ ცენტრალურ ავტომაგისტრალზე სატესტო რეჟიმში მიმდინარეობს გზის გამწმენდი სამუშაოები. მათი გაგრძელება მეტეოროლოგიურ პირობებზეა დამოკიდებული“, - აცხადებენ სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა