საქართველოს განათლებისა და მეცნიერების სამინისტროს მიერ ფოთის მე-6 საჯარო სკოლის შენობის ფასადისა და გადახურვის რეაბილიტაციისთვის 160.000 ლარი გამოიყო.

ამის შესახებ „ექსპრესნიუსს“ ფოთის მერიიდან აცნობეს.

მათივე ინფორმაციით, ამჟამად, სკოლის შენობის სახურავი განახლებულია,მთლიანად შეიცვალა ხის კონსტრუქციები და ძველი თუნუქის ფურცლების ნაცვლად, მეტალოკრამიტით დაიფარა სახურავი. ასევე შეიცვალა ძირითადი კორპუსის შესასვლელი კარებები. მიმდინარეობს გარე ფასადის კედლების შეკეთება-შელესვა, პარალელურად შენობის გარშემო სარინალი (სარტყელი) ეწყობა.

ფოთის მუნიციპალიტეტის მერმა ირაკლი კაკულიამ, საკრებულოს თავმჯდომარემ ალექსანდრე თოფურიამ და რესურსცენტრის ხელმძღვანელმა გოჩა ქორქიამ მე-6 სკოლაში მიმდინარე სარეაბილიტაციო სამუშაოები დაათვალიერეს. ქალაქის მერმა მადლიერება გამოთქვა განათლების სამინისტროსადმი ფოთის საჯარო სკოლების მიმართ გამოჩენილი მხარდაჭერისათვის.

ფოთის საგანმანათლებლო რესურსცენტრის ხელმძღვანელის გოჩა ქორქიას განცხადებით, სარეაბილიტაციო სამუშაოები ახალი სასწავლო წლისათვის დასრულდება. სექტემბერ-ოქტომბერში გათვალისწინებულია სკოლის შენობაში ცენტრალური გათბობის სისტემის დამონტაჟება.

სარეაბილიტაციო სამუშაოებს საგანმანათლებლო-სამეცნიერო ინფრასტრუქტურის სააგენტოს დაკვეთით, შ.პ.ს. "ლიკანი-2000 "აწარმოებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი