უკრაინაში მძიმე მდგომარეობაა, ქვეყანას არც ომის გაგრძელება შეუძლია და არც ომის დასრულება, – ამის შესახებ ივანიშვილის პარლამენტის თავმჯდომარემ, შალვა პაპუაშვილმა განაცხადა.

მისივე თქმით, საქართველოს ხელისუფლება იყო განსაკუთრებით ფრთხილი, რადგან ქვეყანას დამანგრეველი ომისკენ ექაჩებოდნენ.

მაშინ როდესაც ჩვენ გარე ძალები და ჩვენი შიდა ოპოზიცია და NGO-ები გვექაჩებოდნენ ომში, მაშინ ვთქვით ჩვენ ზუსტად, რომ ვინ თუ არა ქართველებმა ვიცით ძალიან კარგად და მწარე გამოცდილებით, როგორ იწყება და სრულდება ასეთი ომები. ამიტომაც იყო საქართველოს ხელისუფლება განსაკუთრებულად თბილი, იმიტომ რომ ჩვენ ვიდექით ზუსტად ასეთი დამანგრეველი ომის პირზე, სადაც პირდაპირ გვიბიძგებდნენ გარე თუ შიდა ძალები.

ამის საპირწონედ, ჩვენ ვხედავდით ყალბ მჯიღისცემას მკერდში, ყალბ გმირობას კომპიუტერების კლავიატურასთან, იმის გააზრების გარეშე ზოგიერთის მხრიდან, თუ რას წარმოადგენდა, ამგვარი ისტერიის დათესვა საქართველოში.

მძიმე მდგომარეობაა უკრაინაში. ისეთ მდგომარეობაშია მისი ხელისუფლება, რომ არც ომის გაგრძელება შეუძლია და არც დასრულება. ეს არის ყველაზე დიდი გამოწვევა, ვინაიდან ჩიხში არის შესული ეს პერიპეტიები და ომი. გამოსავალი ომის გაგრძელება - მძიმეა, ომის დასრულებაც მძიმეა.

პრეზიდენტ ზელენსკის გუშინდელი განცხადებაც იმის დასტურია, რომ ეს არის ორი ცუდი არჩეანიდან არჩევანის გაკეთება. ზუსტად ეს უნდოდათ, რომ ჩვენ თავსაც დამართნოდა, რომ ჩვენ რეალური არჩევანი არ გვქონოდა და ორი ცუდი არჩევანის წინაშე დავეყენბინეთ. - განაცხადა პაპუაშვილმა.

ავტორი: ექსპრესნიუსი,

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.