2015-02-16 13:58:38, 1234 ნახვა
მსოფლიო
ლიბიელმა ჯიჰადისტებმა 21 ეგვიპტელი ქრისტიანი მოკლეს
„ისლამურ სახელმწიფოსთან“ დაკავშირებულმა ლიბიელმა ჯიჰადისტებმა 21 ქრისტიანი ეგვიპტელი მოკლეს.
ამის შესახებ ინფორმაციას „ბი-ბი-სი“ ავრცელებს.
ჯიჰადისტებმა ქრისტიანებისთვის თავის მოკვეთის ამსახველი ვიდეომასალა ინტერნეტით გაავრცელეს.
ვიდეომასალაში ჯიჰადისტების ერთ-ერთი ლიდერი ასე მიმართავს ქრისტიანულ სამყაროს- „ჯვაროსნებს უსაფრთხოებაზე მხოლოდ ოცნება შეგიძლიათ”.
ამასთან, ქრისტიანების სიკვდილით დასჯას ეგვიპტის პრეზიდენტი აბდელ ჰათაჰ ალ სისი გამოეხმაურა და აღნიშნა, რომ თუ ვიდეოს უტყუარობა დადასტურდა, ეგვიპტე შურს იძიებს ჯიჰადისტებზე.
მან ასევე, მოქალაქეებს ლიბიაში გამგზავრებისგან თავის შეკავება ურჩია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
