ესტონეთის პრეზიდენტი ტოომას ჰენდრიკ ილვესი მოსკოვში ფაშიზმზე გამარჯვების 70 წლისთავის აღსანიშნად გამართულ ღონისძიებებს არ დაესწრება.

ამის შესახებ ინფორმაციას ესტონეთის პრეზიდენტის კანცელარია ავრცელებს.

„პრეზიდენტი პატივს სცემს ყველა მსხვერპლის ხსოვნას, რომელიც ესტონეთისთვის 1939 წლის 23 აგვისტოს, მოლოტოვ-რიბენტროპის აქტის გაფორმებით დაიწყო. ესტონეთი ისევე, როგორც მთელი ევროკავშირი, უარს ამბობს ძალისმიერ პოლიტიკაზე და დემოკრატიული ევროპის აშენება სურს, სადაც ადამიანების, ხალხების და ქვეყნების ბედი, კედლებით, გავლენის სფეროებით და შეთქმულებებით არ ისაზღვრება.

ესტონეთი ევროპაში საბრძოლო მოქმედებების დასრულებას 8 მაისს აღნიშნავს. ჩვენ არ ვიხსენებთ და პატივს არ ვაგებთ არც ერთის გამარჯვებას, ან დამარცხებას. ჩვენ პატივს ვაგებთ მსხვერპლთა ხსოვნას, რომლებიც საკუთარ ქვეყანას იცავდნენ“, - ნათქვამია განცხადებაში.

აღსანიშნვია, რომ მანამადე, მოსკოვში გამგზავრებაზე უარი ლიტვის პრეზიდენტმა დალია გრიბაუსკაიტემაც განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI