ინტერპოლის ცენტრალურმა ბიურომ სადახლოს რკინიგზის განყოფილებაში მომსახურე შსს-ს საპატრულო პოლიციის დეპარტამენტის თანამშრომლებს საჩუქრად MIND მოწყობილობა გადასცა, რომელშიც განთავსებულია ინტერპოლის ხელთ არსებული მოპარული/დაკარგული სამგზავრო დოკუმენტების მონაცემთა სრული ბაზა (SLTD).

უწყების ინფორმაციით, აქამდე საქართველოს შსს-ს საპატრულო პოლიციის დეპარტამენტის თანამშრომლები, რომლებიც უშუალოდ მატარებლებში ახორციელებენ პიროვნებების შემოწმებას, ინტერნეტისა და შესაბამისი ინფრასტრუქტურის გარეშე ინტერპოლის მონაცემთა ბაზასთან (SLTD) პირდაპირი კავშირის დამყარებას ვერ ახერხებდნენ.

აღნიშნულიდან გამომდინარე, საქართველოს ინტერპოლის ეროვნულმა ცენტრალურმა ბიურომ შუამდგომლობით მიმართა ინტერპოლის გენერალურ სამდივნოს, რის შემდეგაც საქართველოს მხარეს MIND მოწყობილობა საჩუქრად გადმოეცა.

MIND მოწყობილობა საშუალებას იძლევა მონაცემები გადამოწმდეს ინტერნეტთან წვდომის გარეშე. ზემოხსენებული ბაზა 45 მილიონზე მეტ ჩანაწერს მოიცავს, რომელიც ყოველდღიურად ახლდება ინტერპოლის წევრი ქვეყნების მიერ და ეფექტურ საშუალებას წარმოადგენს დანაშაულის წინააღმდეგ ბრძოლის საქმეში, რადგან მოპარული ან დაკარგული დოკუმენტები ხშირად გამოიყენება ორგანიზებულ-დანაშაულებრივი და ტერორისტული ჯგუფების მიერ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი