უზენაესი სასამართლოს თავმჯდომარის, ნინო გვენეტაძის განცხადებით, შვეიცარიის ელჩის მიერ გაკეთებულ განცხადებებზე, რომელიც სასამართლო სისტემაში კორუფციის პრობლემებსა და საგადასახადო დავებს ეხება, სამართალწარმოების საქმეების შესწავლა დაიწყო.

მისივე თქმით, ის საჭიროების შემთხვევაში, გიუნტერ ბეხლერთან შეხვედრასაც გამართავს.

"ჩვენ სამართალწარმოების პრაქტიკის მოკვლევა, გაანალიზება, განზოგადება და სარეკომენდაციო წინადადებების შემუშავება დავისახეთ მიზნად. ასევე კონკრეტულ ფაქტთან დაკავშირებით ხდება მოსამართლეების საქმიანობის წინასწარი შემოწმება დისციპლინური სამართალწარმოების გადაცდომის არსებობის ან არარსებობის შესახებ. როგორც კი ამ სამუშაო ეტაპებს დავასრულებთ, ინფორმაცია საზოგადოებისთვის ცნობილი გახდება. თუ ბატონი ელჩი საჭიროდ ჩათვლის, რომ ეს ინფორმაცია მას კონკრეტულად ჩვენ გადავცეთ, იქნება შეხვედრაც“, - აღნიშნა ნინო გვენეტაძემ.

ცნობისთვის, პრემიერ-მინისტრმა ირაკლი ღარიბაშვილი გუშინ გამართულ მთავრობის სხდომაზე საგარეო საქმეთა მინისტრს გიუნტერ ბეხლერის მიერ სასამართლო სისტემაში კორუფციასთან დაკავშირებით გამოთქმული პრეტენზიების შესწავლა დაავალა. ღარიბაშვილმა საჭიროების შემთხვევაში საკითხში ჩართვისკენ შინაგან საქმეთ მინიტრს ვახტანგ გომელაურსაც მოუწოდა.

შეგახსენებთ, საქართველოში შვეიცარიის ელჩმა, გიუნტერ ბეხლერმა განაცხადა, რომ სასამართლო სისტემაში კორუფციის პრობლემებია. მისივე შეფასებით, შეკითხვები არსებობს ინვესტორებისთვის დაკისრებულ გადასახადებთან დაკავშირებითაც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი