პრეზიდენტი  გიორგი მარგველაშვილი "თავისუფალი დემოკრატების" წევრებს ხვდება.

როგორც შეხვედრის დაწყებამდე ზურაბ აბაშიძემ ჟურნალისტებს განუცხადა, მათ აინტერესებთ  პრეზიდენტის პოზიცია რიგგარეშე საპარლამენტო სხდომის მოწვევასთან დაკავშირებით.

"პირველები ვიყავით "თავისუფალი დემოკრატები" ვინც გავაჟღერეთ საგანგებო სხდომის მოწვევის საკითხთან დაკავშირებით ჩვენი პოზიცია.დღეს მოვედით პრეზიდნეთან,  რომ გავმართოთ კონსულტაციები, რას ფიქრობს ის.ხედავს თუ  არა ამ სხდომის მოწვევის აუცილებლობას.იმ ვითარებიდან გამომდინარე, რაც ხდება დღეს ქვეყანაში. ვგულისხმობ ეკონომიკურ კრიზისს, ვალუტის ლარის დევალვაციას. ჩვენ პრეზიდენტთან წინა შეხვედრის დროს გვქონდა საუბარი სწორედ ამ საკითხებზე. მან თქვა,  რომ ის შეხვდებოდა მთავრობის  ეკონომიკური გუნდის წარმომადგენლებს,  მოისმენდა მათ პოზიციას, დაელოდებოდა სავალუტო ფონდის  მისიის მუშაობას და  შემდეგ უკვე შეაჯამებდა  მთავრობასთან ერთად პოზიციას, მაგრამ  დავინახეთ, რომ მთავრობა  არ არის მზად იმისათვის, რომ პასუხი გასცეს დღევანდელ  არსებულ პრობლემებს და ამ გამოწვევებს. აქედან გამომდინარე, დღეს კიდევ  ერთხელ ჩაითვალა საჭიროდ  ორივე  მხირდან, ჩვენი პარტიის, ასევე  პრეზიდენტის  მხრიდან, რომ შევხვედრილიყავით და გაგვევლო კიდევ ეს თემა, რას ფიქრობს პრეზიდენტი ძალიან მნიშვნელოვანი და საინტერესოა ჩვენთვის და რეალურად თუ იქნება მოწვეული პრეზიდენტის მხრიდან  ეს საგანგებო სხდომა, როგორ დაიგეგმება",-განაცხადა ზურაბ აბაშიძემ.

პრეზიდენტთან შეხვედრაში მონაწილეობენ "თავისუფალი დემოკრატების" წევრები: ვიქტორ დოლიძე, ზურაბ აბაშიძე, ნინო გოგუაძე და ფრაქცია "თავისუფალი დემოკრატების" თავმჯდომარე ირაკლი ჩიქოვანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა