OC Media წერს, რომ საქართველოში აშშ-ის ელჩის თამარ ტალიაშვილის ქმარი დავით კუხალაშვილი მოსკოვში მოქმედი იურიდიული კომპანიის დამფუძნებელი და მმართველი პარტნიორია.

OC Media ამ ინფორმაციას კორპორატიულ დოკუმენტებსა და არქივის მასალებზე დაყრდნობით ავრცელებს და აღნიშნავს, რომ დავით კუხალაშვილის კომპანია ეხმარებოდა სანქციების ქვეშ მყოფ რუსულ ბიზნესებს - კერძოდ, იურიდიულ დახმარებას უწევდა ისეთ კლიენტებს, რომლებიც უკრაინაში რუსეთის სრულმასშტაბიანი ომის დაწყების შემდეგ, აშშ-ისა და ევროპის მიერ სანქცირებულთა სიაში მოხვდნენ. 

რუსეთისა და საქართველოს ორმაგი მოქალაქეობის მქონე დავით კუხალაშვილმა იურიდიული კომპანია DTK Partners მოსკოვში 2014 წელს დააფუძვნა.

DTK Partners-ს ღიად აცხადებს, რომ მუშაობს გაყინული აქტივების განბლოკვაზე დასავლურ იურისდიქციაში. ვებ-გვერდის არქივირებული ვერსიების თანახმად, დავით კუხალაშვილი თავად ამზადებდა მიმართვებს ევროკავშირისა და აშშ_ის უწყებებისთვის ისეთი კლიენტების საელით, როგორებიც არიან SPB Bank-ი, ასევე NSD - მოსკოვის ბირჟის ცენტრალური ფასიანი ქაღალდების დეპოზიტარიუმი, რომლებიც აშშ-ისა და ევროკავშირის სანქციების ქვეშ იმყოფებიან.

კომპანიის ვებ-გვერდზე აღწერილია კონკრეტული სამართლებრივი გზები გაყინულ აქტივებზე ხელახლა ხელმისაწვდომობის მოსაპოვებლად - მათ შორის, DTK Partners აცხადებს, რომ უზრუნველყოფს სრულ იურიდიულ მხარდაჭერას განცხადებების მომზადებასა და უარყოფითი პასუხის შემთხვევაში, გასაჩივრებაში.

OC Media წერს, რომ თამარ ტალიაშვილის ქმარი, კერძოდ, მისი კომპანია რამდენიმე მნიშვნელოვან საქმეში რუსეთის სახელმწიფო ინტერესებსაც წარმოადგენდა - კერძოდ, აღნიშნავს, რომ ის ხშირად ფიგურირებს რუსეთის სახელმწიფო მედიაში, როგორც ავიაციის ინციდენტების ექსპერტი და არაერთ საქმეში ფიგურირებდა, როგორც რუსეტის სამთავრობო უწყებებთან და სახელმწიფოსთან კავშირში მყოფი.

OC Media სტატიაში თამარ ტალიაშვილის ქონებრივ დეკლარაციაზეც ამახვილებს ყურადღებას და წერს, რომ მას და მის ქმარს - სოლიდური დანაზოგი აქვთ რუსულ ბანკებში, ასევე, ფლობენ ბინას მოსკოვში.

საკითხთან დაკავშირებით კომენტარისთვის OC Media-მ აშშ-ში საქართველოს საელჩოს კითხვით მიმართა, თუმცა საელჩომ მათ კომენტარი არ მიაწოდა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს