ეკვადორში ამაზონის ჯუნგლებში სამხედრო თვითმფრინავი ჩამოვარდა, - ამის შესახებ ინფორმაციას დასავლური მედია ეკვადორის პრეზიდენტის რაფაელ კორეას სოციალურ ქსელ Twitter-ში გამოქვეყნებულ პოსტზე დაყრდნობით იტყობინება.

თვითმფრინავის ჩამოვარდნის შედეგად ბორტზე მყოფი 22 ადამიანი დაიღუპა. კატასტროფა ქვეყნის აღმოსავლეთ ნაწილში. პასტასის პროვინციაში მოხდა.

თვითმფრინავში 19 სამხედრო, ორი პილოტი და ერთი მექანიკოსი იმყოფებოდნენ. სამხედრო თვითმფრინავი ფრენას წვრთნის ფარგლებში ახორციელებდა. მომხდარის მიზეზები ჯერჯერობით უცნობია.

"იქ გადარჩენილები არ არიან. ჩვენ 22 მებრძოლი დავკარგეთ", - წერს რაფაელ კორეა Twitter-ის საკუთარ ვებ გვერდზე.

ეკვადორის პრეზიდენტმა დაღუპულ სამხედროების ოჯახებს თანაგრძნობა გამოუცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა