ნატოს გენერალური მდივანი იენს სტოლტენბერგი რუსეთს მეზობლების დაშინებასა და ნატოს დაყოფის მცდელობაში ადანაშაულებს, - ამის შესახებ იენს სტოლტენბერგმა მოსკოვის სამეზობლო პოლიტიკაზე CNN-ისთვის მიცემულ ინტერვიუში განაცხადა.

მისივე თქმით, მოსკოვი წლებია ალიანსში განხეთქილების შეტანას ცდილობს, თუმცა ამ კუთხით წარმატებას ვერც მიაღწია და ვერც მომავალში მიაღწევს.

როგორც სტოლტენბერგმა აღნიშნა, რუსეთის ქმედებების საპასუხოდ ნატოს წევრებმა ძალები გააერთიანეს და სამხედრო პოლიტიკა უსაფრთხოების საკითხებში ახალ პირობებთან შესაბამისობაში მოიყვანეს.

ნატოს გენერალურმა მდივანმა ასევე სირიაში რუსეთის ქმედებების გამო შეშფოთება გამოთქვა. სტოლტენბერგმა აღნიშნა, რომ ხმელთაშუა ზღვაში რუსული სამხედრო პოტენციალის გაზრდას ალიანსი თურქეთსა და ხმელთაშუა ზღვაში სამხედრო დანაყოფების გაძლიერებით უპასუხებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა