ქედის მუნიციპალიტეტის ღია სივრცე საზოგადოებისთვის „ქალთა ოთახი“ და გენდერული თანასწორობის საბჭო კონკურსს აცხადებს

2023-05-23 16:56:54, 2192 ნახვა

რეგიონი

ქედის მუნიციპალიტეტის ღია სივრცე საზოგადოებისთვის "ქალთა ოთახი" და გენდერული თანასწორობის საბჭო აცხადებს კონკურსს "ადგილობრივ დონეზე ქალთა სოციალურ-ეკონომიკური გაძლიერება/ხელშეწყობა", რომლის მიზანია, ქალთა ეკონომიკური გაძლიერება, ფინანსურ რესურსებზე ხელმისაწვდომობის გაზრდა, რაც შემდგომში განაპირობებს ქალთა აქტიურობასა და თანასწორუფლებიანი გარემოს შექმნას. აღნიშნულ ინფორმაციას ქედის მუნიციპალიტეტის მერია ავრცელებს.

მერიის ცნობით, პროგრამის ბიუჯეტი 30 000 ლარს შეადგენს.

"კონკურსში მონაწილე პროექტის ღირებულება 500 – 4 500 ლარამდეა, ასევე პირის ან ჯგუფის თანამონაწილეობა პროექტის მთლიანი ღირებულების 20 % უნდა შეადგენდეს.

კონკურსით ისარგებლებს:

18 წელს მიღწეული ფიზიკური პირი ქალი ან ქალთა საინიციატივო ჯგუფი;

ფიზიკური პირი, რომელიც რეგისტრირებულია ქედის მუნიციპალიტეტში.

კონკურსში მონაწილეობა ეზღუდება:

პირს, რომელიც არის გასულ წელს ამ კონკურსში გამარჯვებული;

პირს, რომელსაც აქვს საბანკო დავალიანება, ყადაღა და რეგისტრირებულია მოვალეთა რეესტრში;

საჯარო მოხელე.

ბიზნეს-იდეის შევსების ფორმა იხილეთ ლინკზე: https://we.tl/t-pjqCdugua6

განცხადების მიღების ბოლო ვადაა მიმდინარე წლის 30 ივნისი 18:00 სთ.

განაცხადი უნდა შემოიტანოთ:

ქედის მუნიციპალიტეტის მერიის კანცელარია;

ელ-ფოსტა: keda.kancelaria@gmail.com