კასპის მუნიციპალიტეტის სოფელ ქვემო გომში ხელოვნურ საფარიანი სპორტული მოედნის მიმდინარე სამუშაოები კასპის მუნიციპალიტეტის მერმა ვახტანგ მაისურაძემ, მერის პირველმა მოადგილემ დავით ქისიშვილმა და მერიის ინფრასტრუქტურის სამსახურის უფროსმა, აჩიკო გიგოლაშვილმა დაათვალიერეს.

კასპის მერიის ცნობით, მშენებლობას ელექტრონულ ტენდერში გამარჯვებული შპს „დანი ქონსტრაქშენი“ ახორციელებს. მოედანზე უკვე მოწყობილია  საძირკველი და ბეტონის სამუშაოები მიმდინარეობს.

მათივე ინფორმაციით, თანამედროვე სტანდარტების სპორტულ მოედანზე დაიგება ხელოვნური მწვანე ბალახის საფარი, აღიჭურვება საფეხბურთო კარით და საკალათბურთო ფარებით, მოეწყობა გარე განათება.

პროექტი ადგილობრივი ბიუჯეტიდან ფინანსდება და მისი ღირებულება 93 333 ლარია.

"მუნიციპალიტეტისთვის სპორტული ინფრასტრუქტურის განვითარება მნიშვნელოვანია, ამით ხელი ეწყობა სპორტის პოპულარიზაციას და ჯანსაღი ცხოვრების წესის დამკვიდრებას. „მუნიციპალიტეტში სპორტული მოედნების გარდა გარე გამოყენების ფიტნეს ტრენაჟორებიც ეწყობა, რომელიც მოსახლეობის მოთხოვნაა ", - აღნიშნა მუნიციპალიტეტის მერმა, ვახტანგ მაისურაძემ.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი