2020-10-19 12:23:31, 1846 ნახვა

---

გიორგი ვაშაძე - გახარიას და ივანიშვილს სანაძლეოს დავუდებ, რომ არჩევნებზე 35-36%-ზე მეტს ვერ აიღებენ

 გახარიას და ივანიშვილს სანაძლეოს დავუდებ, რომ არჩევნებზე 35-36%-ზე მეტს ვერ აიღებენ, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

მისივე თქმით, რუსთავის 2-ის მიერ დაკვეთილი Survation-ის კვლევა არ იძლევა ადეკვატურ მონაცემებს.

გიორგი ვაშაძე დარწმუნებულია, რომ არჩევნებზე ოპოზიცია მინიმუმ 62%-ს აიღებს.

„ვთხოვ Survation-საც, ასევე რუსთავი 2-ს, რომ ჩხიბაობას მოვეშვათ, აბსოლუტურად ადეკვატური მონაცემები დავდოთ, ეს არის რეალობას მოკლებული შედეგები. გარანტიას ვაძლევ და სანაძლეოს ვუდებ ბატონ გახარიას და ივანიშვილს, რომ ისინი ვერ აიღებენ 35-36%-ზე მეტს, რაზეც უნდა დღესვე გამოვიდნენ და სანაძლეოს დავუდებ.

რაც შეეხება მონაცემებს, ოპოზიცია მინიმუმ 62%-ს აიღებს“, - განაცხადა გიორგი ვაშაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი