კრიტიკული მედიცინის ცენტრის ხელმძღვანელის, მარეხი ბექაიას განცხადებით, თბილისის ზღვის ჰოსპიტალში კორონავირუსზე 24 პაციენტის ტესტის პასუხი უარყოფითია, ხოლო ერთის პასუხს დღის განმავლობაში ელოდებიან.

მისი თქმით, ამ ეტაპზე კლინიკაში 46 პაციენტი იმყოფება, საიდანაც ერთის მდგომარეობა მძიმეა და ის ხელოვნურ სუნთქვაზეა გადაყვანილი.

„25 სინჯი იყო გაგზავნილი pcr კვლევაზე, 24 პასუხი მოსულია და ყველა უარყოფითია. ერთი პაციენტის კვლევა გრძელდება. დაწყებულია პაციენტების გადაყვანა პროფილურ კლინიკებში. მძიმე პაციენტი ასაკიანი ქალბატონია, არის პნევმონიაა, სეპტიური მდგომარეობა და პაციენტი მართვით სუნთქვაზეა. გადაყვანილი იქნება ზოგადი პროფილის კლინიკაში. მასთან პასუხი უარყოფითია.

კლინიკიდან ის პაციენტები ეწერებიან, რომლებსაც მხოლოდ ტემპერატურული რეაქციები – 37,1; 37,2 აღენიშნებათ, რომლებთანაც არ იქნა ნანახი ინფექციის წყარო და კერა, პლიუს კოვიდდაავადება გამორიცხა“, - განაცხადა მარეხი ბექაიამ.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა