ოკუპირებული აფხაზეთის ე.წ საგარეო საქმეთა სამინისტრო, რუსეთის ფედერაციის საგარეო მინისტრის სერგეი ლავროვის ვიზიტთან დაკავშირებით განცხადებას აქვეყნებს.

"უწყება" საქართველოს ხელისუფლების მხრიდან გაკეთებულ შეფასებებს განიხილავს და აცხადებს, რომ ქართულმა მხარემ რეგიონში არსებული ვითარება უნდა აღიაროს.

"ბოლო დროს გახშირდა საქართველოს ოფიციალური პირების - პრეზიდენტიდან დაწყებული მაღალჩინოსნებით დამთავრებული, "გაღიზიანებული" გამონათქვამები რუსეთის საგარეო საქმეთა მინისტრის სერგეი ლავროვის ახაზეთში ვიზიტის თაობაზე. საუბრობენ, რომ სერგეი ლავროვის ვოზიტი "არალეგიტიმურია". ასევე ხაზს უსვამენ, "ტერიტორიულ მთლიანობას".

აფხაზეთის საგარეო საქმეთა სამინისტროში თვლიან, რომ მსგავსი კომენტარები უადგილოა.

სერგეი ლავროვის ვიზიტი არის ორ ქვეყანას შორის ურთიერთობების და საერთაშორისო სამართლის ნორმების შესაბამისი. შეგახსენებთ, რომ დიპლომატიური ურთიერთობები რუსეთსა და აფხაზეთს შორის 2008 წლის 9 სექტემბრიდან დადგინდა.

მოვუწოდებთ ქართულ მხარეს, მორჩეს საკუთარი თავის და საერთაშორისო თანამეგობრობის მოტყუებას. საქართველო "ჟონგლიორობს" ძველმოდური ტერმინოლოგიით, როგორიცაა "საქართველოს ტერიტორიული მთლიანობა". საქართველომ უნდა აღიაროს არსებული ვითარება რეგიონში", - ნათქვამია ე.წ საგარეო საქმეთა სამინისტროს განცხადებაში. 

შეგახსენებთ, რომ რუსეთის საგარეო საქმეთა მინისტრი სერგეი ლავროვი ოკუპირებულ აფხაზეთში ოფიციალური ვიზიტით 18-19 აპრილს ჩავა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი