საქართველოს მიგრაციის მართვის საკითხებთან დაკავშირებით, სასწავლო ვიზიტით, ავღანეთისა და ერაყის რესპუბლიკების წარმომადგენლები ეწვივნენ.

მიგრაციის საკითხთა სამთავრობო კომისიის სამდივნოსა და  მიგრაციის პოლიტიკის  განვითარების საერთაშორისო ცენტრის  (ბუდაპეშტის პროცესის სამდივნო) ორგანიზებით, ავღანეთის ისლამური  რესპუბლიკისა და ერაყის  რესპუბლიკის წარმომადგენელთათვის  სასწავლო ვიზიტი 31 მარტიდან 2 აპრილის  ჩათვლით მოეწყობა.

ვიზიტის ფარგლებში ავღანეთისა და ერაყის რესპუბლიკის სამთავრობო დაწესებულებების მაღალი  რანგის თანამდებობების პირები მიგრაციის მართვის  სფეროში,  მიგრაციის საკითხთა  სამთავრობო კომისიის  საქმიანობას და კომისიის წევრი სახელმწიფო უწყებების  გამოცდილებას გაეცნობიან.

ვიზიტის ფარგლებში   დელეგაციის წევრები სახელმწიფო სერვისების განვითარების სააგენტოს  და თბილისის იუსტიციის სახლს ეწვივნენ, სადაც ადგილზე გაეცნენ საქართველოში  დანერგილ სახელმწიფო სერვისების  მიწოდების მოდელსა და იმ  მომსახურებებს, რომელსაც ეს ორგანიზაციები უცხოელებს და საქართველოს მოქალაქეებს სთავაზობენ.

"ჩამოსულია დელეგაცია 2 ქვეყნიდან. ეს არის ავღანეთი და ერაყი. აინტერესებთ სახელმწიფო მიმართულება როგორაა მიგრაციასთან დაკავშირებით, მიგრაციის საკითხთა სამთავრობო კომისიის საქმიანობა, სტრუქტურა, რანაირად მუშაობს. ასევე აინტერესებთ ევროკავშირის  მიერ ამ კუთხით წარმოებული პროექტები და ის სისტემა, რა სისტემითაც ხდება ამ პროექტების მართვა",-განუცხადა ჟურნალისტებს  მიგრაციის საკითხთა სამთავრობო კომისიის თავმჯდომარე გიორგი ჯაშმა.

დელეგაციის წევრები ასევე ეწვევიან შინაგან საქმეთა სამინისტროს  მიგრაციის დეპარტამენტს, პოლიციის აკადემიასა და თბილისის აეროპორტს, სადაც არალეგალურ  მიგრაციასთან ბრძოლისა და საზღვრის  მართვის სფეროში განხორციელებულ რეფორმებს გაეცნობიან. სასწავლო ვიზიტის  ფარგლებში, შეხვედრები დაგეგმილია იუსტიციის, საგარეო საქმეთა, ოკუპირებული ტერიტორიებიდან  იძულებით გადაადგილებულ პირთა, განსახლებისა და ლტოლვილთა სამინისტროებში, დიასპორის საკითხებში სახელმწიფო მინისტრის აპარატში და სტატისტიკის ეროვნულ სამსახურში.

დელეგაციის წევრები ასევე შეხვდებიან მიგრაციის სფეროში მომუშავე  არასამთავრობო ორგანიზაციებს და თბილისის სახელმწუფო უნივერსიტეტის წარმომადგენლებს.

ინფორმაციისთვის, ბუდაპეშტის პროცესი  არის  საკონსულტაციო ფორუმი და საერთაშორისო დიალოგის ფორმატი ევროპისა და აზიის 50-ზე მეტი სახელმწიფოსა და საერთაშორისო ორგანიზაციისთვის. აღნიშნული მიზნად ისახავს,  ინფორმაციისა და საუკეთესო გამოცდილების  გაზიარებას პროცესში მონაწილე ქვეყნებსა და საერთაშორისო ორგანიზაციების წარმომადგენლებს შორის  მიგრაციის სხვადასხვა  მიმართულებებზე.

ავღანეთისა და ერაყის რესპუბლიკების წარმონადგენლების სასწავლო ვიზიტი ხორციელდება  ბუდაპეშტის პროცესის გფარგლებში  მიმდინარე პროექტის, სახელწოდებით "აბრეშუმის გზების პარტნიორობის ხელშეწყობა მიგრაციისთვის" ფარგლებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს