საქართველოს თავდაცვის მინისტრის მოადგილემ ანა დოლიძემ თურქეთში ომის კოლეჯის მიერ გამართულ საერთაშორისო ურთიერთობებისა და უსაფრთხოების სიმპოზიუმში - IRAS'16 მიიღო მონაწილეობა.

თავდაცვის სამინისტროს ინფორმაციით, ანა დოლიძე სიტყვით გამოვიდა სხდომის ფარგლებში გამართულ თემატურ კონფერენციაზე - „ტერორისტული ორგანიზაციის ტრანსფორმაცია“. საქართველოს თავდაცვის მინისტრის მოადგილემ ტერორისტული ორგანიზაციების ტრანსფორმაციაზე ისაუბრა და ყურადღება საქართველოს წინაშე არსებულ უსაფრთხოების გამოწვევებზე გაამახვილა.

სიმპოზიუმში 8 ქვეყნის ოცი სპიკერი მონაწილეობდა, რომლებიც საერთაშორისო ურთიერთობების და უსაფრთხოების საკითხებზე მუშაობენ. სიმპოზიუმს ასევე დაესწრნენ თურქეთის მაღალი რანგის პირები, თავდაცვისა და საგარეო საქმეთა სამინისტროს, ასევე, ნატოსა და ევროკავშირის წარმომადგენლები და საერთაშორისო უსაფრთხოების სფეროს ექსპერტები.

სიმპოზიუმის ძირითადი მიზანი შუა აღმოსავლეთში უსაფრთხოების საკითხების ფართო სპექტრის შესწავლა და შემდგომში სამეცნიერო მუშაობის ხელშეწყობა იყო.

თურქეთში ვიზიტის ფარგლებში ანა დოლიძე სტამბოლში სხვადასხვა მაღალი რანგის წარმომადგენლებს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული