ხმელთაშუა ზღვაში ეგვიპტური ავიაკომპანიის EgyptAir-ის კუთვნილი თვითმფრინავის ძებნა გრძელდება, - ამის შესახებ BBC იუწყება.

როგორც მედია საშუალება საბერძნეთის საჰაერო ინციდენტის მთავარ გამომძიებელზე, ატანასიოს ბინისზე დაყრდნობით წერს, გუშინ სამძებრო სამუშაოებში მონაწილე ბერძნული თვითმფრინავის ეკიპაჟის მიერ კუნძულ კარპატოსთან ნაპოვნი ნამტვრევები და სამაშველო ჟილეტები Airbus A320-ის არ აღმოჩნდა.

“ნაპოვნი საგნების შეფასებამ აჩვენა, რომ ისინი თვითმფრინავს არ ეკუთვნოდა”, - განაცხადა ატანასიოს ბინისმა.

საბერძნეთის წარმომადგენლის ინფორმაცია დაადასტურეს ავიაკომპანია EgyptAir-შიც, სადაც განაცხადეს, რომ აღმოჩენილი ნამტვრევები მათ თვითმფრინავს არ ეკუთვნოდა.

მედიის ინფორმაციით, საბერძნეთის კუნძულ კარპატოსთან მიმდინარე სამძებრო ოპერაციაში საბერძნეთის, ეგვიპტის, საფრანგეთისა და დიდი ბრიტანეთის სამხედრო ქვედანაყოფები მონაწილეობენ. ოპერაციაში ჩართულია ერთი ამერიკული თვითმფრინავიც.

შეგახსენებთ, რომ რეისი MS804 პარიზიდან კაიროში მიფრინავდა. თვითმფრინავის ბორტზე ეკიპაჟის 10 წევრი და 56 მგზავრი იმყოფებოდა, მათ შორის 30 ეგვიპტელი, 15 ფრანგი, ერთი ბრიტანელი და კიდევ 10 ქვეყნის მოქალაქეები. თვითმფრინავის ბორტზე იყო 3 ბავშვიც. ბოლო კავშირის დროს თვითმფრინავი ხმელთაშუა ზღვის თავზე იმყოფებოდა. რადარებიდან ავიალაინერი ეგვიპტის საჰაერო სივრცეში შესვლიდან მალევე გაუჩინარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი