ევროკავშირში შიშობენ, რომ თურქეთისთვის სავიზო რეჟიმის გაუქმების შემთხვევაში, ევროპაში ტერაქტების საფრთხე გაიზარდება, - ამის შესახებ ბრიტანული გამოცემა The Telegraph ევროკომისიის ანგარიშზე დაყრდნობით წერს.  

“თურქეთის მოქალაქეებისათვის სავიზო რეჟიმის მოსალოდნელმა ლიბერალიზაციამ შესაძლოა, პოტენციურად იქონიოს გავლენა ევროკავშირის ქვეყნებში ტერორისტულ რისკებზე”, - აღნიშნულია დოკუმენტში.

ევროკომისიის ანგარიშის თანახმად, მოსალოდნელია, რომ როგორც კი თურქეთის მოქალაქეები უვიზო რეჟიმს მიიღებენ, უცხოელები ეცდებიან, მიიღონ თურქული პასპორტები, რომ დაუბკოლებლად მოხვდნენ ევროკავშირის სახელმწიფოებში ან ეცდებიან, არალეგალური გზით მოიპოვონ თურქეთის მოქალაქეობა. ანგარიშის ავტორები ვარაუდობენ, რომ ტერორისტები ეცდებიან ევროკავშირში შეღწევას თურქეთში გაცემული სხვისი პასპორტების გამოყენებით.

“ეს შესაძლებლობა მოიზიდავს არა მხოლოდ არალეგალ მიგრანტებს, არამედ დამნაშავებსა და ტერორისტებს”,  -ნათქვამია ევროკომისიის ანგარიშში

როგორც The Telegraph წერს, ევროკომისიამ ცოტა ხნის წინ ვიზელიბერალიზაციის საკანონმდებლო ინიციტივა კოსოვოსთვის წარადგინა, უკრაინისთვის და საქართველოსთვის, "რომლებიც მოცული არიან ორგანიზებული დანაშაულით". 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი