2025-09-22 22:19:22, 1838 ნახვა

---

სიკორსკი რუსეთს - ყველაფერს რაც ნატოს საჰაერო სივრცეში შემოვა ჩამოვაგდებთ და ნუ დაიწყებთ მერე წუწუნს

პოლონეთის საგარეო საქმეთა მინისტრმა რადოსლავ სიკორსკიმ გაეროს უშიშროების საბჭოს სხდომაზე განაცხადა, რომ ნებისმიერი რუსული რაკეტა ან დრონი, რომელიც ნატოს საჰაერო სივრცეში შევა, ჩამოიგდებს.

“თუ კიდევ ერთი რუსული რაკეტა ან თვითმფრინავი გამიზნულად, ან შემთხვევით  შემოფრინდება  ჩვენს საჰაერო სივრცეში და მას ჩამოაგდებენ , ნუ დაიწყებთ აქ წუწუნს.
თქვენ ამის შესახებ უკვე გაფრთხილებულნი ხართ” - პოლონეთის საგარეო საქმეთა მინისტრი, რადოსლავ  სიკორსკი გაეროს უშიშროების საბჭოზე მიმართავს რუსეთის ფედერაციას.

მისი თქმით, რუსეთს საერთაშორისო სამართალი ფეხებზე ჰკიდია

"ჩვენ ძალიან კარგად ვიცით, რომ თქვენ ფეხებზე გკიდიათ საერთაშორისო სამართალი და ორგანულად არ შეგიძლიათ მეზობლებთან მშვიდობიანი თანაცხოვრება. თქვენი რადიკალური ნაციონალიზმი არის ბატონობის დაუოკებელი წყურვილი, რომელიც შოვინიზმის ყველაზე საშინელი ფორმაა. ეს არ დამთავრდება, სანამ არ შეიგნებთ და არ აღიარებთ, რომ იმპერიების ეპოქა დამთავრდა, და თქვენი იმპერია აღარასდროს დაბრუნდება! უკრაინელი სამხედროების თითოეული თქვენზე დარტყმა - დაე ღმერთმა დალოცოს ისინი, ამ დღეს აახლოვებს." - ასე მიმართა რადოსლავ სიკორსკიმ გაეროს უშიშროების საბჭოს სხდომაზე რუსეთის წარმომადგენელს, ვასილი ნებენზიას

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი