ქედის მუნიციპალიტეტის მერი როლანდ ბერიძე თურქეთის რესპუბლიკის ქემერის მუნიციპალიტეტში საერთაშორისო ფესტივალ-კონკურსში მონაწილე ქალთა ფოლკლორული ანსამბლ "იაგუნდის" წევრებს და ა(ა)იპ "ქედის კულტურის ცენტრის" ხელმძღვანელს, ჯამბულ სურმანიძეს შეხვდა.

ქედის მერიის ცნობით, მუნიციპალიტეტის კულტურის სახლთან არსებული ქალთა ფოლკლორული ანსამბლი "იაგუნდი" თურქეთის რესპუბლიკის ქემერის მუნიციპალიტეტში მშვიდობისადმი მიძღვნილ საერთაშორისო ფესტივალ-კონკურსში მონაწილეობდა.  

"ანსამბლი "იაგუნდი" მსმენელის წინაშე აჭარული და ლაზური სასიმღერო რეპერტუარით წარსდგა.

მშვიდობის საერთაშორისო ფესტივალ-კონკურსში ანსამბლი ორ ნომინაციაში "საუკეთესო მუსიკა" და "საუკეთესო პერფორმანსი" დაჯილდოვდა. ანსამბლ "იაგუნდს" პრიზები ქემერის მუნიციპალიტეტის მერმა, ნეჯეთი თოფალოღლუმ გადასცა. 
  
აღნიშნულ ფესტივალში მსოფლიოს 15-ზე მეტი ქვეყანა მონაწილეობდა, რომელიც იუნესკოსა და ფოლკლორული ფესტივალების ევროპული ასოციაციის მხარდაჭერით გაიმართა",- ნათქვამია ქედის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი