აჭარის ჯანმრთელობისა და სოციალური დაცვის მინისტრი ნინო ნიჟარაძე შუახევის მუნიციპალიტეტის მერთან, ომარ ტაკიძესთან  ერთად, შუბნის ადმინისტრაციული ერთეულის მოსახლეობას შეხვდა. ამის შესახებ ინფორმაციას აჭარის ჯანდაცვის სამინისტრო ავრცელებს.

ვიზიტის ფარგლებში, აჭარის საზოგადოებრივი ჯანდაცვის ცენტრისა და დაავადებათა კონტროლის აჭარის სამმართველოს ორგანიზებით, ჩატარდა გრიპის ვაქცინაცია და ინტეგრირებული სკრინინგი - C ჰეპატიტის, აივ ინფექციისა და  ტუბერკულოზის დიაგნოსტირებისათვის.

“მუნიციპალიტეტის ხელმძღვანელებთან ერთად შევხვდით ადგილობრივ მოსახლეობას და ამბულატორიის სამედიცინო პერსონალს. მოგეხსენებათ, რომ  რამდენიმე თვის განმავლობაში შუბნის სამედიცინო ამბულატორიაში იყო ექიმის დეფიციტი, უკვე ორი თვეა სოფლის ექიმის პოზიციაზე დაინიშნა კვალიფიციური ექიმი, მოსახლეობას  პირველადი სამედიცინო მომსახურება სრულად მიეწოდება. შეხვედრის ფარგლებში მოვისმინეთ ადგილობრივების საჭიროებები, მივაწოდეთ ინფორმაცია ჯანდაცვის სერვისებზე, ვისაუბრეთ 2024 წელს დაგეგმილ სიახლეებზე, მომავალ წელს დაიწყება აჭარის მაღალმთიანი სოფლის მოსახლეობისა და მოიალაღეების ავადობის კვლევა”, - განაცხადა, მინისტრმა ნინო ნიჟარაძემ.

სოფლად მოსახლეობასთან შეხვედრები აჭარის მთავრობის თავმჯდომარის ინიციატივით იმართება და მისი მიზანია ადგილობრივების საჭიროებების, პრობლემური საკითხების ადგილზე შესწავლა და მყისიერი რეაგირება.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი