2020 წლისთვის აშშ-ში გარდაცვლილი ადამიანების ნახევარი დამარხვას კრემაციას ამჯობინებს. ამერიკელების ეს გადაწყვეტილება გასაკვირი სულაც არაა, რადგან რიგ შტატებში ადგილი სასაფლაოზე არაადექვატურად ძვირი ფუფუნება ხდება. 
ამ რთულ დროს აშშ-ში შემოვიდა შვეიცარიული კომპანია Algordanza, რომელიც ადამიანის სხეულის კრემაციის შემდეგ  დარჩენილ ფერფლს  ოჯახის სურვილის შემთხვევაში ძვირფას ქვად გადააქცევს. 

ნებისმიერი ძუძუმწოვარი არსების სხეული ნახშირბადისგან შედგება, რომელიც წვის შემდეგ რჩება (2,5-4,5 ფერფლი) , სწორედ ეს მასალა შეიძლება ხელოვნურ ძვირფას ქვად გადაიქცეს. და თუ ქვის ზომა დარჩენილი ფერფლის რაოდენობითაა შემოფარგლული, ფერის არჩევაში სრული თავისუფლება გეძლევათ.

სპეციალურ კამერაში მოთავსებულ ფერფლს კვლავ 1370 გრადუსამდე აცხელებენ , ამასთან მასზე 20 ტონიანი წნევა ხორციელდება , რაც მიკროსკოპული კრისტალური ბადის შექმნას განაპირობებს. აღსანიშნავია, რომ ქვის "ზრდის" პროცედურა საკმაოდ დიდ დროს, 6-8 კვირას იკავებს. საბოლოოდ ჩვენ უხეშ, დაუმუშავებელ ალმასს ვიღებთ , რომელიც იუველირის ხელში გადადის და ბოლოს ორიგინალური ბრილიანტისგან ძალიან რთულად გასარჩევ მინერალს ვღებულობთ.

რა ჯდება ეს პროცედურა? სასაფლაოსგან განსხვავებით ის ძალიან იაფია-0,3 კარატიანი ქვის დამზადება (ეს ყველაზე პოპულარული ზომაა) თქვენ 3000$ + იუველირის მომსახურებას 300-500$ დაგიჯდებათ.
აღსანიშნავია, რომ იგივე პროცედურა გარდაცვლილ შინაურ ცხოველებთან მიმართებაშიც არის შესაძლებელი.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი