სასჯელაღსრულებისა და პრობაციის მინისტრის, გიორგი მღებრიშვილის, ინფორმაციით, რეფორმის ფარგლებში დაახლოებით, 11 ციხის დირექტორი შეიცვალა.

მისივე განმარტებით, აქედან ნაწილმა თანამდებობა საკუთარი განცხადების საფუძველზე დატოვა.

ამასთან, მღებრიშვილის თქმით, რეფორმის ფარგლებში ევროპულ მოდელზე გადაეწყობიან და  ის ადამიანები, რომლებიც სამინისტროს წინაშე არსებულ გამოწვევებს ვერ გაუძლებენ, თანამდებობებს დატოვებენ.

„დაახლოებით 11 დაწესებულების დირექტორი შეიცვალა.  ზოგმა თავისი განცხადებით  დატოვა თანამდებობა. ეს ჩვეულებრივი მოვლენაა.  ზოგი მიდის,  ზოგი მოდის. რეფორმის ფარგლებში ჩვენ გადავეწყობით ევროპულ მოდელზე და ვინც,  ასე ვთქვათ,   გაუძლებს იმ გამოწვევებს,  რაც ჩვენს წინაშე დგას, ის დარჩება ჩვენთან.  ვინც  არადა, პრობლემა არ არის წავა“,- განაცხადა გიორგი  მღებრიშვილმა.

მან ასევე კომენტარი გააკეთა „ქამრების შემოჭერის“ პოლიტიკასთან დაკავშირებით.

მღებრიშვილის თქმით, ეს საკითხი განხილვის პროცესშია და სწორედ განხილვის შემდეგ მიიღებენ  გადაწყვეტილებას, სად შეიძლება დაიზოგოს თანხა.

„ამ ეტაპზე გადაწყვეტილება მიღებული არ არის, მაგრამ ამ თემაზე მუშაობა მიდის“,-განმარტა გიორგი მღებრიშვილმა.

აღნიშნული განცხადება გიორგი მღებრიშვილმა თბილისის პრობაციის ბიუროს თანამედროვე სტანდარტებით აღჭურვილი შენობის გახსნის შემდეგ გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი