2023-11-16 11:42:39, 1183 ნახვა

---

ტოლერანტობის საერთაშორისო დღესთან დაკავშირებით მახუნცეთის საჯარო სკოლის მოსწავლეებისთვის ტრენინგი გაიმართა

16 ნოემბერი "ტოლერანტობის საერთაშორისო დღეა". ქედის მუნიციპალიტეტის მერიის ადმინისტრაციული სამსახურის "გენდერული თანასწორობის ხელშეწყობის მიზნობრივი პროგრამის" ფარგლებში, ტოლერანტობის საერთაშორისო დღესთან დაკავშირებით მახუნცეთის საჯარო სკოლის მოსწავლეებისთვის ტრენინგი გაიმართა, რომელსაც დაბა ქედის საჯარო სკოლის თვითმმართველობის თავმჯდომარე დათუნა ბერიძე უძღვებოდა. ამის შესახებ ინფორმაციას ქედის მერია ავრცელებს.

მერიის ცნობით, შეხვედრის მიზანია, მოზარდებში ტოლერანტული დამოკიდებულებების ჩამოყალიბების ხელშეწყობა, განსხვავებული აზრის, კულტურის, სამყაროს ხედვის აღიარება, რომ ადამიანები განსხვავდებიან ერთმანეთისაგან, მაგრამ თანასწორნი არიან.

"შეხვედრა ახალგაზრდებისთვის საინტერესოდ წარიმართა. ისინი უშუალოდ ჩაერთნენ დისკუსიებში, დააფიქსირეს საკუთარი შეხედულებები თემის ირგვლივ, განიხილეს ფილმები და მაგალითები.

შეხვედრის დასასრულს მოსწავლეებს ფასიანი საჩუქრები გადაეცათ",- ნათქვამია მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი