ჯანდაცვის მინისტრის, ეკატერინე ტიკარაძის განცხადებით, მარნეულში კორონავირუსით ინფიცირებული პაციენტის 100-ზე მეტი კონტაქტია გამოვლენილი.

როგორც მან აღნიშნა, უკვე მიმდინარეობს ყველა მათგანის არამხოლოდ მოკვლევა, არამედ მათი ჯანმრთელობის მდგომარეობის დადგენა.

„დღეის მდგომარეობით, სტაციონარებში დაკვირვების ქვეშ იმყოფება 250 ადამიანი. მათი მდგომარეობა სტაბილურია. დადასტურებული კორონავირუსი მათთან არ არის, მაგრამ გარკვეული სიმპტომებიდან გამომდინარე მათზე მიმდინარეობს ექიმების დაკვირვება. ასევე, ჩვენ გვყავს კარანტინში განთავსებული ჩვენი მოქალაქეები და მათი რიცხვი არის 3500-მდე. ამ ეტაპისთვის, მათაც არ აქვთ არანაირი სიმპტომი და მათზეც მიმდინარეობს ეპიდემიოლოგოების დაკვირვება. თქვენთვის ცნობილია მარნეულში მიმდინარე მოვლენების შესახებ. ასევე, აქ გამოვლენილია 100-ზე მეტი კონტაქტი უკვე, რომელსაც ჩვენს პაციენტთან ჰქონდა ურთიერთობა. უკვე გასულები არიან ჯგუფები და ატარებენ საველე სამუშაოებს. მიმდინარეობს ყველა ადამიანის არამხოლოდ მოკვლევა, არამედ უკვე მათი ჯანმრთელობის მდგომარეობის დადგენა. დღის ბოლოს ჩვენ ველოდებით გარკვეულ შედეგებს, რომლებსაც აუცილებლად გავაცნობთ ჩვენს მოქალაქეებს“, - განაცხადა ტიკარაძემ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი