გენერალური შტაბის უფროსმა გენერალ-მაიორმა ვახტანგ კაპანაძემ ვარდების მოედანზე თავდაცვის სამინისტროს სსიპ სახელმწიფო სამხედრო-სამეცნიერო ცენტრ „დელტას“ მიერ გამოფენილი პროდუქცია დაათვალიერა და საზოგადოებას დამოუკიდებლობის დღე მიულოცა.

„მინდა მოგილოცოთ ყველას საქართველოს დამოუკიდებლობის დღე. მნიშვნელოვანი დღეა, ნამდვილად ყველასთვის დღესასწაულია. სასიხარულოა, რომ თავდაცვის სამინისტრომ და „დელტამ“, ერთობლივად აწარმოეს თავისი შეიარაღების არსებულისა და დაგეგმილის წარმოების გამოფენა. აქ მშვენივრად არის წარმოდგენილი ის პოტენციალი, რაც „დელტას“ გააჩნია“, - განაცხადა ვახტანგ კაპანაძემ. 

მოსახლეობას „დელტას“ სხვადასხვა დანიშნულების ტექნიკის, მათ შორის ცეცხლსასროლი და მხარდამჭერი შეიარაღების დათვალიერების საშუალება აქვს. წელს „დელტას“ 15 ახალი პროდუქტი აქვს წარმოდგენილი: საცეცხლე დანადგარები, ჯავშანტრანსპორტიორები, ვერტმფრენი, ნაღმტყორცნი, სნაიპერული შაშხანები და წვრილ კალიბრიანი შეიარაღება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი