ევროპის სამეცნიერო ღონისძიებების ასოციაცია (EUSEA) „გამოხატავს სინანულს და შეშფოთებას ილიას სახელმწიფო უნივერსიტეტზე მოქმედი ცვლილებების გამო, რომლებიც საქართველოს უმაღლეს საგანმანათლებლო დაწესებულებებზე მოქმედი უფრო ფართო პროცესის ნაწილია“. EUSEA-ს მიერ გავრცელებულ განცხადებაში ნათქვამია:

„ილიას სახელმწიფო უნივერსიტეტი EUSEA-ს დიდი ხნის წევრია. ბევრ წევრს კარგად ახსოვს, თუ როგორ უმასპინძლა უნივერსიტეტმა ჩვენს ყოველწლიურ კონფერენციას 2024 წელს, შექმნა ცოცხალი და მისასალმებელი ატმოსფერო, რომელმაც შეკრიბა 100-ზე მეტი მონაწილე ევროპიდან და მის ფარგლებს გარეთ.

ამ კონფერენციის, ასევე ილიას უნივერსიტეტთან სხვა თანამშრომლობების, მათ შორის NUCLEUS-ის „პასუხისმგებლიანი კვლევისა და ინოვაციის“ პროექტის ფარგლებში განხორციელებული აქტივობების მეშვეობით, ცხადი გახდა, რომ უნივერსიტეტი აკადემიური თავისუფლებისა და ინტერდისციპლინარული მიდგომების მნიშვნელოვანი ცენტრია, რომელიც მაღალი ხარისხის სწავლებისა და კვლევის საფუძველს წარმოადგენს.

როგორც ბევრ ქვეყანაში, არსებობს პარტიული დღის წესრიგისა და საგანმანათლებლო სივრცის გადახლართვის შემაშფოთებელი ტენდენცია, რაც საფრთხეს უქმნის ღია კვლევის, ცოდნის შექმნისა და მტკიცებულებებზე დაფუძნებული შედეგების ფუნდამენტურ პრინციპებს.

ინკლუზიურობის, რეფლექსიური პრაქტიკისა და თანამშრომლობის ღირებულებებზე დაფუძნებული EUSEA სრულ მხარდაჭერას უცხადებს ილიას სახელმწიფო უნივერსიტეტის აკადემიურ პერსონალსა და სტუდენტებს ამ რთულ პერიოდში“, - ნათქვამია განცხადებაში.

ავტორი: ექსპრესნიუსი,

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა