უნგრეთის პრემიერ-მინისტრმა ვიქტორ ორბანმა განაცხადა, რომ მისი ქვეყანა არ არის დაინტერესებული უკრაინის კოლაფსით, რადგან ეს უნგრეთისთვის სერიოზულ პრობლემას წარმოადგენდა.

ორბანმა ეს განცხადება თავის გამოსვლაში გააკეთა, რომლის ნაწილიც მის X-ში გამოქვეყნდა.

ორბანის განცხადებაში ნათქვამია, რომ უკრაინის კოლაფსი „უნგრეთისთვის კატასტროფა იქნებოდა“.

„უკრაინის კოლაფსი უნგრეთისთვის სერიოზული პრობლემა იქნებოდა. ამიტომ, უკრაინის კოლაფსი არა მხოლოდ უნგრეთის ინტერესებში არ შედის, არამედ ჩვენ შესანიშნავ შეთანხმებას უნდა მივაღწიოთ, რათა ეს არ მოხდეს“, - განაცხადა უნგრეთის პრემიერ-მინისტრმა თავის გამოსვლაში.

პოსტში მან ხაზგასმით აღნიშნა, რომ მეზობელ ქვეყანაში სტაბილურობას დიდი მნიშვნელობა აქვს უნგრეთისთვის, რომელიც მას ელექტროენერგიითა და გაზით ამარაგებს.

„ამასობაში, ომი ყოველდღიურად ასუსტებს უკრაინას. მშვიდობა ერთადერთია, რაც მას გააძლიერებს. ყველამ, ვინც ნამდვილად უჭერს მხარს უკრაინას, უნდა ისწრაფვოდეს მშვიდობისკენ და ისწრაფვოდეს ახლავე“, - განაცხადა ორბანმა X-ში.

ადრე უნგრეთის პრემიერ-მინისტრმა უკრაინისთვის ევროკავშირის სესხი „უკიდურესად ცუდი გადაწყვეტილება“ და „ფუჭად დახარჯული ფული“ უწოდა.

ორბანმა ასევე გამოთქვა ეჭვი, რომ უკრაინაზე თავდასხმა რუსეთმა განახორციელა.

საგარეო საქმეთა მინისტრმა ანდრეი სიბიჰამ ორბანს მეორე მსოფლიო ომის დროს უნგრეთის ნაცისტებთან ალიანსი შეახსენა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო