როდესაც მთელი მსოფლიო მკვლელობების დასრულებას ითხოვს, პუტინი გასცემს მეტი დარტყმის, თავდასხმისა და ბავშვების მკვლელობის განკარგულებებს, – ამის შესახებ სოციალურ ქსელ X-ში უკრაინის საგარეო საქმეთა მინისტრმა, ანდრეი სიბიგამ დაწერა.

მისი თქმით, მსოფლიომ უნდა მოახდინოს ზეწოლა რუსეთზე.

„მძიმე დილა უკრაინაში უძილო ღამის შემდეგ. მრავალი კვირის განმავლობაში რუსეთის ყველაზე მასირებული თავდასხმა მთელი ღამის განმავლობაში გრძელდებოდა. ღამით რუსეთმა ასობით დრონი, ბალისტიკური და ფრთოსანი რაკეტა გაუშვა უკრაინის ქალაქებისა და დასახლებების მიმართულებით, რის შედეგადაც დაიღუპნენ და დაშავდნენ ადამიანები, მათ შორის, სულ მცირე, სამი ბავშვი. როდესაც მთელი მსოფლიო მკვლელობების დასრულებას ითხოვს, პუტინი გასცემს მეტი დარტყმის, თავდასხმისა და ბავშვების მკვლელობის განკარგულებებს. ეს კიდევ ერთხელ ხაზს უსვამს ცეცხლის სრული, უპირობო და გრძელვადიანი შეწყვეტის აუცილებლობას ნებისმიერი მნიშვნელოვანი სამშვიდობო ძალისხმევისთვის. მსოფლიომ უნდა მოახდინოს ზეწოლა რუსეთზე, რომ მიიღოს ეს და დაუყოვნებლივ დაასრულოს მკვლელობები“, – წერს უკრაინის საგარეო საქმეთა მინისტრი ანდრეი სიბიგა.

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო