შეძლებისდაგვარად ვცდილობთ შევამსუბუქოთ ზეწოლა, რომელიც ეროვნულ ვალუტაზეა,-ამის შესახებ საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა თემის კომენტირებისას ჟურნალისტებს განუცხადა.

როგორც კვირიკაშვილმა აღნიშნა, ნავთობის ფასების ვარდნამ რეგიონში შემავალ  ბევრ ქვეყანაში პრობლემები გამოიწვია, რაც საქართველოზეც აისახება.

"თქვენ იცით, თუ როგორი მდგომარეობაა ძალიან ბევრ ჩვენს მსხვილ სავაჭრო და საინვესტიციო პარტნიორ ქვეყანაში. ნავთობის ფასების ვარდნამ მთელი რიგი პრობლემები გამოიწვია და ეს პრობლემები არა მხოლოდ რუსეთის პრობლემებია. ვგულისხმობ  რეგიონში ბევრ ქვეყანას. ამიტომ, საქართველოზე  ყველა ეს ფაქტორი მოქმედებს",-განაცხადა გიორგი კვირიკაშვილმა და აქვე დასძინა, რომ  რაც მათზეა დამოკიდებული, ყველაფერს აკეთებენ.

"შეძლებისდაგვარად ვცდილობთ, შევამსუბუქოთ ზეწოლა, რომელიც  ეროვნულ ვალუტაზეა. მთავრობას რაც ბერკეტები გააჩნია, დამერწმუნეთ, დღეს  ყველა ამოქმედებულია",-აღნიშნა გიორგი კვირიკაშვილმა.

ცნობისთვის, ლარის კურსი ვარდნას კვლავ განაგრძობს. ეროვნული ბანკის ოფიციალური ინფორმაციით, 17 იანვარს  ერთი დოლარის შეძენა 1.94 ლარად იქნება შესაძლებელი. დღეს კი,  სავალუტო ჯიხურებში 1 დოლარი  1.93 - 1.95 ლარი ღირს. სავალუტო ჯიხურების მეპატრონეთა ინფორმაციით, არსებული კურსი დილიდან მოქმედებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს