ფრაგმენტი XV საუკუნის კონდაკიდან - საზედაო ასო „ვ“ - ეროვნული არქივის მიმდინარე კვირის დოკუმენტია.

ცნობილია, რომ ქართულ ხელნაწერებში განსაკუთრებული მნიშვნელობა ენიჭება ტექსტის გაფორმებას, თავსამკაულებს, კამარებს, საზედაო ასოებს. წინამდებარე ფრაგმენტზე საზედაო ასო „ვ“ წარმოდგენლია გველეშაპის სახით. გრაფემა ღია ფერის საღებავებითაა შესრულებული, მათ შორის ჭარბობს შესანიშნავი წითელი ფერი - სინგური, რომელიც ქართულ ხელნაწერებში საკმაოდ ხშირადაა გამოყენებული.

კონდაკი საეკლესიო წიგნია, რომელიც გრაგნილის ან კოდექსის ფორმისაა. ძველ ქართულში კონდაკი ნიშნავდა როგორც საეკლესიო წიგნს, ისე ხის ჯოხს, რომელზეც გრაგნილი იყო დახვეული. კონდაკი, ასევე, აღნიშნავს მცირე ზომის საგალობელს, რომელიც ღვთისმსახურებაში ჯერ კიდევ ადრებიზანტიური პერიოდიდან იკიდებს ფეხს.

დოკუმენტის ნახვა შესაძლებელია ეროვნული არქივის ვებგვერდზე: http://archives.gov.ge/ge/kviris-dokumenti, ასევე, ეროვნული არქივის გვერდზე: https://www.facebook.com/NationalArchivesofGeorgia.

„კვირის დოკუმენტი“ ეროვნული არქივის პროექტია, რაც მიზნად ისახავს არქივში დაცული უნიკალური და მრავალფეროვანი მასალის შესახებ საზოგადოების ინფორმირებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი