აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომა გაიმართა.

როგორც "ექსპრესნიუსს" აჭარის მთავრობის პრესსამსახურიდან აცნობეს, სხდომაზე განიხილეს ინფორმაცია საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, აჭარის ავტონომიური რესპუბლიკის მთავრობის, რეგიონალური განვითარებისა და თანამშრომლობის სააგენტოს შორის 2014 წლის თებერვალში გაფორმებული საგრანტო ხელშეკრულების ფარგლებში, მაღალმთიანი აჭარის მუნიციპალიტეტებიდან საქართველოს სხვადასხვა რეგიონებში საცხოვრებელი სახლები შეესყიდათ 9 ეკომიგრანტ ოჯახს (შუახევის მუნიციპალიტეტიდან 1 ოჯახი, ხულოს მუნიციპალიტეტიდან 8 ოჯახი). საგრანტო ხელშეკრულების IV – მუხლის ,,ბ“- ქვეპუნქტი ითვალისწინებს ბენეფიციართა განსახლებისათვის საჭირო ტრანსპორტირების ხარჯების დაფარვას. 

კომისიამ მიიღო სარეკომენდაციო ხასიათის გადაწყვეტილება, პროექტით დაკმაყოფილებული ოჯახების ტრანსპორტირების ხარჯებისათვის აჭარის ავტონომიური რესპუბლიკის 2015 წლის რესპუბლიკური ბიუჯეტით გათვალისწინებული სარეზერვო ფონდიდან, თითოეულ ბენეფიციარ ოჯახს გამოეყოს 1 500 ლარი. 

სამთავრობო კომისიის რეკომენდაცია უახლოეს დღეებში დასამტკიცებლად წარედგინება აჭარის ავტონომიური რესპუბლიკის მთავრობის თავმჯდომარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება

ზურაბიშვილი აბასთუმანის ცის დახურვაზე - დიქტატურა საქართველოში რუსულ მოდელსაც კი აჭარბებს

ტრამპმა განაცხადა, რომ ირანი დათანხმდა აშშ-სთვის გამდიდრებული ურანის გადაცემას

ევროპას დაახლოებით ექვსი კვირის საავიაციო საწვავის მარაგი აქვს დარჩენილი