აშშ-ს სახელმწიფო მდივანი მარკო რუბიო გაფრთხილებას გაავრცელებს იმის შესახებ, რომ ტრამპის ადმინისტრაცია მზადაა ვენესუელის წინააღმდეგ ახალი სამხედრო ზომები გამოიყენოს, თუ ქვეყნის დროებითი ხელმძღვანელობა აშშ-ს მოლოდინებს არ გაამართლებს.

სენატის საგარეო ურთიერთობათა კომიტეტის წინაშე სიტყვით გამოსვლისთვის მომზადებულ ტექსტში რუბიო აღნიშნავს, რომ აშშ ვენესუელასთან ომში არ არის და მისი დროებითი ლიდერები აშშ-სთან თანამშრომლობენ, თუმცა, ამავდროულად, რუბიო აღნიშნავს, რომ ტრამპის ადმინისტრაცია საჭიროების შემთხვევაში დამატებითი ძალის გამოყენებას არ გამორიცხავს.

"ჩვენ მზად ვართ გამოვიყენოთ ძალა იმ შემთხვევაში, თუ მაქსიმალური თანამშრომლობის უზრუნველსაყოფად სხვა მეთოდები არ გაამართლებს. ვიმედოვნებთ, რომ ეს საჭირო არ გახდება, თუმცა ჩვენ, არასდროს მოვერიდებით ამერიკელი ხალხის წინაშე ჩვენი მოვალეობის შესრულებას და ამ ნახევარსფეროში ჩვენი მისიის აღსრულებას". - წერია რუბიოს მომზადებულ სიტყვაში.

ამასთან, რუბიო ხაზს უსვამს, რომ ვენესულა აშშ-ს მიერ ოკუპირებული არ არის და იქ ამჟამად ამერიკელი სამხედროები არ იმყოფებიან.

"ვენესუელის წინააღმდეგ ომი არ მიმდინარეობს და ჩვენ ეს ქვეყანა ოკუპირებული არ გვაქვს. იქ არ იმყოფებიან ამერიკელი სამხედროები. ეს იყო სამართალდამცავი ორგანოების დასახმარებლად განხორციელებული ოპერაცია". - წერია რუბიოს სიტყვაში.

ავტორი: ექსპრესნიუსი,

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს