2025-04-16 16:27:19, 669 ნახვა
საზოგადოება
17 აპრილს, 10:00 საათიდან 12:00 საათამდე, გორის გვირაბში ავტოტრანსპორტის მოძრაობის შეზღუდვა დაწესდება
17 აპრილს, 10:00 საათიდან 12:00 საათამდე გორის გვირაბში ავტოტრანსპორტის მოძრაობის შეზღუდვა დაწესდება.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი–სენაკი–ლესელიძის საავტომობილო გზის 88-ე კმ-ზე მდებარე გორის საავტომობილო გვირაბში, საგზაო სამუშაოების ჩატარების მიზნით, 2025 წლის 17 აპრილის 10:00 სთ-დან 12:00 სთ-მდე გვირაბის სენაკის-თბილისის მიმართულებაზე შეიზღუდება ყველა სახის ავტოტრანსპორტის მოძრაობა.
მათივე ცნობით, საავტომობილო გვირაბის სენაკი-თბილისის მიმართულების ჩაკეტვის პერიოდში ავტოტრანსპორტის ნაკადი გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე.
ავტორი: ექსპრესნიუსი,
epn.ge (@expressnews.ge)
