2025-04-11 19:08:37, 925 ნახვა
საზოგადოება
ვასილ ივანოვ-ჩიქოვანი საზოგადოებრივი მაუწყებლიდან გაათავისუფლეს
ეთერიდან მოხსნის შემდეგ, ვასილ ივანოვ-ჩიქოვანი საზოგადოებრივი მაუწყებლიდანაც გაათავისუფლეს.
ინფორმაციას და ჩიქოვანის ვიდეო-კომენტარს "საზოგადოებრივი მაუწყებლის მცველები" სოციალურ ქსელში ავრცელებს.
"დაახლოებით ერთი საათის წინ დამირეკა ადამიანური რესურსების დეპარტამენტის ხელმძღვანელმა და მითხრა, რომ ერთ საათში მელოდებოდა გენერალური დირექტორი საზოგადოებრივი მაუწყებლის ახალ შენობაში. მოვედი და გამაცნეს გადაწყვეტილება. შიდა მოკვლევის ვადები დღედღეზე იწურებოდა, შიდა მოკვლევის მიხედვით, დირექტორმა და საბჭომ მიიღო გადაწყვეტილება, რომ მე გავეთავისუფლებინე სამსახურიდან. ამ გადაწყვეტილების შესახებ მე რამდენიმე წუთის წინ თინათინ ბერძენიშვილმა მაცნობა. ამ წუთებში შეხვედრაზე იმყოფება ნინო ზაუტაშვილი, სავარაუდოდ, მასთანაც იგივე შინაარსის საუბარი ექნება" - განაცხადა ვასილ ივანოვ-ჩიქოვანმა.
ავტორი: ექსპრესნიუსი,
epn.ge (@expressnews.ge)
