ეროვნულ სასწავლო ცენტრ „კრწანისში“ სამხედრო პოლიციის სპეციალისტთა და უმცროს ოფიცერთა მომზადების კურსის დასრულებისადმი მიძღვნილი ცერემონიალი გაიმართა.

თავდაცვის სამინისტროს ინფორმაციით, 19 სამხედრო მოსამსახურეს კურსის წარმატებით დასრულება თავდაცვის მინისტრის პირველმა მოადგილემ, დავით ებრალიძემ და საქართველოს შეიარაღებული ძალების გენერალური შტაბის უფროსის მოადგილემ, პოლკოვნიკმა რომან ჯოხაძემ მიულოცეს.

კურსის მიზანს სამხედრო პოლიციის ოფიცრების მომზადება და პროფესიული უნარ-ჩვევების გამომუშავება წარმოადგენდა.

სამხედრო პოლიციის სპეციალისტთა და უმცროს ოფიცერთა მომზადების კურსი 2 თებერვალს დაიწყო და დღეს დასრულდა.

მსმენელებმა ტაქტიკური მომზადება და სამხედრო საგნები შეისწავლეს. ტრენინგი შინაგან საქმეთა სამინისტროს პოლიციის აკადემიაში სამართლებრივ საკითხებში ოთხკვირიან კურსსაც ითვალისწინებდა.

კურსის დასრულების დამადასტურებელი დიპლომები სამხედრო მოსამსახურეებს დავით ებრალიძემ, პოლკოვნიკმა რომან ჯოხაძემ, ასევე, წვრთნებისა და სამხედრო განათლების სარდალმა პოლკოვნიკმა ლევან ბერიამ, შეიარაღებული ძალების მთავარმა სერჟანტმა ბესიკ ხატიაშვილმა და სამხედრო პოლიციის დეპარტამენტის უფროსის მოადგილემ პოლკოვნიკმა ამირან ნოზაძემ გადასცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო