გიორგი კვირიკაშვილი სავალუტო ფონდის წარმომადგენლებს შეხვდა

მთავრობის მიერ დაგეგმილი კონკრეტული ღონისძიებები და მიმდინარე ეკონომიკური პროცესები  განიხილეს დღეს ეკონომიკისა და მდგრადი განვითარების სამინიტროში, სადაც გიორგი კვირიკაშვილისა და სავალუტო ფონდის მისიის წარმომადგენლების შეხვედრა გაიმართა. 

სამინისტროს ინფორმაციით, სამუშაო შეხვედრას ეკონომიკისა და მდგრადი განვითარების  მინისტრის მოადგილეები, მიხეილ ჯანელიძე და ირმა ქავთარაძეც ესწრებოდნენ.

„სავალუტო ფონდის მისიასთან ვისაუბრეთ არსებულ სიტუაციაზე, განვიხილეთ ის ღონისძიებები, რასაც მთავრობა ახორციელებს იმისათვის, რომ სავალუტო დისბალანსი დაბალანსდეს და სტაბილიზაციისკენ წავიდეს ეროვნული ვალუტის კურსი. შეიძლება ითქვას, რომ ყველა  ნაბიჯი, რომელსაც ჩვენ ვახორციელებთ, სავალუტო ფონდის წარმომადგენლებმა მოიწონეს. შეხვედრაზე განვიხილეთ როგორც მოკლევადიანი, ისე საშუალოვადიანი ღონისძიებები, ასევე კონკრეტული ნაბიჯები პრივატიზებისა და ტურიზმის მიმართულებით. ასევე განვიხილეთ ინვესტიციების წახალისების საკანონმდებლო ინიციატივები, რომლებიც ცოტა ხანში გაჟღერდება. ვისაუბრეთ ადმინისტრაციული ხარჯების შემცირების შესახებაც. იყო ძალიან ნაყოფიერი შეხვედრა.  ვფიქრობ, ჩვენ უნდა ველოდოთ ნამდვილად სიტუაციის დასტაბილურებას, ამისთვის ყველა საფუძველი გვაქვს“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი