აშშ-ის პრეზიდენტმა დონალდ ტრამპმა ალიასკაში რუსეთის ლიდერ ვლადიმერ პუტინთან მოლაპარაკებების პარალელურად გასულ ინტერვიუში არაერთი განცხადება გააკეთა.

„მინდა ცეცხლის შეწყვეტა. არ ვიქნები აღფრთოვანებული, თუ ეს არ მოხდება, მაგრამ ყველა ამბობს, რომ ცეცხლის შეწყვეტა არ იქნება, ეს მეორე შეხვედრაზე მოხდება. თუ ყველაფერი კარგად წავა, კიდევ ერთი შეხვედრა გვექნება, რაც ძალიან მალე მოხდება. ან საერთოდ აღარ გვექნება შეხვედრები, შესაძლოა არასდროს“, - განუცხადა მან Fox News-ს.

პოლიტიკოსმა განაცხადა, რომ „დროის დაკარგვას არ აპირებს“ და უკრაინასთან დაკავშირებით პროგრესს ამ კვირაში ელის.

„მე ისტორიას ან მსგავს რამეს არ ვუყურებ, მე თავად შეთანხმებას ვუყურებ. თუ შეთანხმებას მივაღწევთ, შესანიშნავია. თუ დავინახავ, რომ ამის შანსი არ არის, უბრალოდ წავალ... ეს ჩემი ომი არ არის, ეს ბაიდენის ომია. მან ყველაფერი ააფუჭა...“ - თქვა ტრამპმა.

ამერიკელი ლიდერის თქმით, შემდეგ შეხვედრაში (თუ მოლაპარაკებები წარმატებული იქნება) მონაწილეობას მიიღებენ ზელენსკი, პუტინი და თავად ის.

ის ამტკიცებს, რომ მეორადი სანქციების შემოღებას დამანგრეველი გავლენა ექნება რუსეთის ეკონომიკაზე, მაგრამ „შესაძლოა, ეს არ იყოს საჭირო“. ტრამპი დარწმუნებულია, რომ აშშ-ის საპრეზიდენტო არჩევნებში მისი გამარჯვების გარეშე, უკრაინაში კონფლიქტი შეიძლებოდა უკვე მესამე მსოფლიო ომში გადაზრდილიყო.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი