2015-01-24 11:37:18, 1328 ნახვა

---

ალექსანდრ ზახარჩენკო: ვიბრძოლებთ მანამდე, სანამ დონეცკის საზღვრამდე პოზიციებს არ დავიკავებთ

„მანამდე ვიბრძოლებთ, სანამ დონეცკის ოლქის საზღვრამდე პოზიციებს არ დავიკავებთ“,-ამის შესახებ დონეცკის თვითგამოცხადებული რესპუბლიკის ლიდერმა ალექსანდრ ზახარჩენკომ განაცხადა.

ზახარჩენკოს თქმით, არავითარი ზავი აღარ იქნება.

„არავითარი ზავი აღარ იქნება, აღარც როტაცია. ტყვეებს კი გავცვლით, რადგან ჩვენი ბიჭები ტყვედ არიან  აყვანილნი და საჭიროა მათი დაბრუნება.  მანამდე ვიბრძოლდებთ, ვიდრე დონეცკის  ოლქის საზღვრამდე პოზიციებს არ დავიკავებთ“,-განაცხადა ზახარჩენკომ.

შეგახსენებთ, რომ აღმოსავლეთ უკრაინაში პრორუს სეპარატისტებს და უკრაინელ ჯარისკაცებს შორის საბრძოლო დაპირისპირება გრძელდება.

ცნობისთვის, გაეროს მონაცემებით აღმოსავლეთ უკრაინაში ბოლო ათი დღის განმავლობაში შეტაკებების შედეგად 262 ადამიანზე მეთი დაიღუპა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი