ის, რომ მე კორცხელში ვინმეზე ვძალადობდი ცრუ ინფორმაციაა, - ასე გამოეხმაურა მოჭიდავეთა ახალგაზრდული ნაკრების მოქმედი მწვრთნელი, გია იანტბელიძე, "ნაციონალური მოძრაობის“ ბრალდებას, კორცხელში მომხდარ ინციდენტთან დაკავშირებით.

როგორც იანტბელიძემ აღნიშნა, ის კორცხელში იმყოფებოდა, როგორც "ქართული ოცნების“ მხარდამჭერი.

"“ქართული ოცნების“ მხარდამჭერი ვარ და ჩავედი. ჩემი გულიდან გამომდინარე ჩავედი და დავფიქსირდი იქ, ჩემს მეგობრებთან ერთად. გაცხარებული ჩხუბის დროს თქვენ უფრო კარგად დაინახეთ იქ რაც ხდებოდა. ყველამ დააფიქსირა იქ ვინ რას აკეთებდა და თქვენ თვითონ ნახეთ, მე იქ რა როლი მეჭირა. მე რომ დავიწყო ახლა ვაშველებდი-თქო, მერე იტყვიან, თავს იმართლებსო და ყველაფერია თავიდან ბოლომდე გადაღებული. მე რომ იქ მონაწილეობას ვიღებდი და ვინმეზე ვძალადობდი ეს ცრუ ინფორმაციაა. ძალადობა დასაგმობია და არ შეიძლება. ეს რომ ჩხუბი და რაღაც შეხლა-შემოხლა მოხდა ძალიან ცუდი ფაქტია და თვითონაც კარგად ხვდებიან“, - განაცხადა გია იანტბელიძემ.     

”ერთიანი ნაციონალური მოძრაობის” მედია მდივან ირამა ნადირაშვილის განცხადებით, სოფელ კორცხელში მომხდარ დაპირისპირებაში ჭაბუკ მოჭიდავეთა ნაკრების მთავარი მწვრთნელი გია იანტბელიძე მონაწილეობდა.

„ნაციონალური მოძრაობა“ ჭიდაობის ფედერაციას და სპორტის სამინისტროს მიმართავს, გია იანტბელიძე მწვრთნელის პოზიციიდან გადააყენონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი