აშშ-ის პრეზიდენტმა დონალდ ტრამპმა გააკრიტიკა წინა ადმინისტრაცია უკრაინისთვის უფასო საბრძოლო მასალის მიწოდების გამო, რომლის გაყიდვაც შეიძლებოდა ახლო აღმოსავლეთის ქვეყნებისთვის.

მან ეს განცხადება გერმანიის კანცლერ ფრიდრიხ მერცთან შეხვედრის დროს გააკეთა.

ამერიკის პრეზიდენტმა განაცხადა, რომ შეერთებულ შტატებს „უზარმაზარი რაოდენობის საბრძოლო მასალა აქვს“, მაგრამ წინა ადმინისტრაციამ ამ მარაგის მნიშვნელოვანი ნაწილი უკრაინას უფასოდ გადასცა.

„მე სრულად ვუჭერ მხარს უკრაინას, მაგრამ მათ (ბაიდენის ადმინისტრაციამ - რედ.) ძალიან ბევრი (საბრძოლო მასალა - რედ.) გადასცეს. როგორც იცით, როდესაც მე საბრძოლო მასალას ვაძლევ, ყველა იხდის მის საფასურს. ევროკავშირი იხდის მას და შეუძლია ის გააკეთოს, რაც სურს“, - თქვა ტრამპმა.

მან ასევე განაცხადა, რომ უკრაინისთვის იარაღის გაყიდვის შედეგად ახლო აღმოსავლეთის ქვეყნები „ძალიან ცოტა“ საბრძოლო მასალას იტოვებენ.

„Wall Street Journal-მა არასწორად გაიგო, როდესაც დაწერა, რომ საბრძოლო მასალა ახლო აღმოსავლეთს გადაეცა. არა ახლო აღმოსავლეთს, არამედ უკრაინას. ახლო აღმოსავლეთს ძალიან ცოტა მიეცა. ახლო აღმოსავლეთის ქვეყნები ბევრს იყიდიდნენ, რადგან ისინი მდიდრები არიან. მაგრამ საბრძოლო მასალა უკრაინას გადაეცა“, - თქვა მან.

მანამდე აშშ-ის პრეზიდენტმა დონალდ ტრამპმა დაიკვეხნა, რომ ამერიკული იარაღის მარაგი საკმარისი იქნებოდა ირანის წინააღმდეგ „სამუდამოდ“ ომისთვის. ამავდროულად, მან გააკრიტიკა თავისი წინამორბედი, ჯო ბაიდენი, უკრაინისთვის იარაღის მიწოდების გამო.

ამერიკის პრეზიდენტმა ასევე განაცხადა, რომ უკრაინაში ომის დასრულება მის ერთ-ერთ მთავარ პრიორიტეტად რჩება, ახლო აღმოსავლეთში ესკალაციის მიუხედავად.

უკრაინის პრეზიდენტმა ვოლოდიმირ ზელენსკიმ განაცხადა, რომ ახლო აღმოსავლეთში გაჭიანურებული და ინტენსიური ომი გავლენას მოახდენს უკრაინის მიერ მიღებული საჰაერო თავდაცვის სისტემების რაოდენობაზე.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი