ისრაელის თავდაცვის ძალების ქვედანაყოფები სამხრეთ ლიბანში შევიდნენ და საზღვართან პოზიციები დაიკავეს.

ისრაელის თავდაცვის ძალების პრესსპიკერის ოფისის ცნობით, შეტევის დაწყების გადაწყვეტილება ებრაული სახელმწიფოს ჩრდილოეთით მცხოვრები მოსახლეობის უსაფრთხოების უზრუნველსაყოფად იქნა მიღებული.

შეტევის დაწყებამდე ისრაელის სამხედროებმა სამხრეთ და აღმოსავლეთ ლიბანის 50 ქალაქის მაცხოვრებლებს ქვეყნის უფრო უსაფრთხო რაიონებში ევაკუაციისკენ მოუწოდა.

„მიზანმიმართული დარტყმები ხორციელდება ჰეზბოლას ტერორისტული ინფრასტრუქტურის წინააღმდეგ“, - ნათქვამია განცხადებაში.

სამშაბათს დილით ისრაელის თვითმფრინავებმა ლიბანის დედაქალაქში რამდენიმე სამიზნეს შეუტიეს. სამხედროების ცნობით, მთავარი სამიზნეები ჰეზბოლას სამეთაურო ცენტრები და იარაღის საწყობები იყო ბეირუთში.

საპასუხოდ, ჯგუფმა ისრაელის სამხედრო ბაზაზე რამდენიმე დრონი გაუშვა, მაგრამ ისრაელის საჰაერო თავდაცვამ მათი ჩამოგდება მოახერხა.

2 მარტის ღამეს ჰეზბოლას მებრძოლებმა ჩრდილოეთ ისრაელს რაკეტებითა და დრონებით შეუტიეს. იტყობინებოდნენ, რომ ეს ირანის სულიერი ლიდერის, აიათოლა ალი ხამენეის მკვლელობის საპასუხოდ მოხდა.

ისრაელმა ბეირუთის სამხრეთ გარეუბნებსა და სამხრეთ ლიბანზე დარტყმებით უპასუხა.

ლიბანის ჯანდაცვის სამინისტროს ცნობით, ისრაელის საპასუხო ქმედებების შედეგად სულ მცირე 50 ადამიანი დაიღუპა და 150-ზე მეტი დაიჭრა.

სამშაბათს დილით ჰეზბოლამ განაცხადა, რომ „კონფრონტაცია ლეგიტიმური უფლებაა“ და რომ რაკეტების გაშვება „ისრაელის აგრესიაზე პასუხი“ იყო.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი